|
01.09.24
Իջևան համայնքի ղեկավար Արթուր Ճաղարյանի ուղերձը` Գիտելիքի օրվա առթիվ
|
Սիրելի՛ դպրոցականներ, ուսանողներ, ուսուցիչներ, դասախոսներ և ծնողներ, Ի սրտե շնորհավորում եմ բոլորիս` Գիտելիքի և դպրության օրվա առթիվ: Արդի փոփոխությունների ժամանակաշրջանում գիտելիքն ու կրթությունն են այն հիմնական հենասյուները, որոնցով մարդը, հասարակություններն ու պետությունները պետք է կարողանան հաղթահարել ամենատարբեր մարտահրավերներն ու խնդիրները: Առանձնակի ջերմությամբ շնորհավորում եմ առաջին դասարանցիներին, որոնց առջև բացվում է դպրոցի, գիտելիքի հետաքրքիր աշխարհ: Վստահ եղե՛ք ձեր ուժերին, և ապագան ձերը կլինի: |
|
|
29.08.24
Իջևան համայնքի ղեկավար Արթուր Ճաղարյանի գլխավորած պատվիրակությունը մասնակցել է Ռումինիայի Գեռլա քաղաքում տեղի ունեցած «Արմենոպոլիս» ամենամյա փառատոնին
|
|
Իջևան համայնքի ղեկավար Արթուր Ճաղարյանի գլխավորած պատվիրակությունը մասնակցել է Ռումինիայի Գեռլա քաղաքում տեղի ունեցած «Արմենոպոլիս» ամենամյա փառատոնին։ Հանդիպումներ են տեղի ունեցել Գեռլայի քաղաքապետի և հայ համայնքի ներկայացուցիչների հետ, քննարկվել են երկկողմ փոխգործակցության հետ կապված հարցեր։ Միջոցառումներին մասնակցել է նաև Ռումինիայում ՀՀ դեսպանության երկրորդ քարտուղար Ռոզա Սերոբյանը։ Գեռլայի (Gherla) քաղաքապետարանը քաղաքի նախկին` Արմենոպոլիս հայկական անունը գրանցել է որպես ապրանքանիշ Ռումինիայի Գյուտերի եւ ապրանքանիշերի պետական կոմիտեում: Ապրանքանիշի գրանցումը «Արմենոպոլիս» անվան նկատմամբ սեփականության եւ բացառիկ ու օրինական օգտագործման իրավունք է տալիս ...
Մանրամասն |
|
|
26.08.24
Առաջին անգամ անցկացվել է ծովափնյա ըմբշամարտի ՀՀ առաջնություն
|
Գեղարքունիքի մարզի Դրախտիկ բնակավայրում առաջին անգամ անցկացվել է ծովափնյա ըմբշամարտի ՀՀ առաջնություն, որտեղ հաջող են հանդես եկել Իջևանի մարզադպրոցի սաները։ U15 տարիքային խմբում Հովիկ Բեգինյանը գրավել է առաջին տեղ։ Գրիշա Բարսեղյանը` երկրորդ տեղ։ Էրիկ Աղաջանյանը` երրորդ տեղ։ |
|
|
20.08.24
Տեղի է ունեցել Իջևան խոշորացված համայնքի ավագանու արտահերթ նիստ
|
Տեղի է ունեցել Իջևան խոշորացված համայնքի ավագանու արտահերթ նիստ Նիստը` տեսանյութով  |
|
|
06.08.24
Իրականացվում է թափառող շների ստերջացման ծրագրի երկրորդ փուլը
|
Իջևանում իրականացվում է թափառող շների ստերջացման ծրագրի երկրորդ փուլը։ Ծրագրի իրականացման գործում ներգրավված են նաև կենդանասեր ակտիվիստներ, ովքեր անմիջական մասնակցություն ունեն թափառող կենդանիների հավաքագրման և բացթողման գործընթացում։ |
|
|
02.08.24
Տրվել է «Համայնքների համագործակցություն, կայուն զարգացում» ենթածրագրի մեկնարկը
|
Տրվել է Ավստրիական զարգացման համագործակցության կողմից ֆինանսավորվող և Եվրոպայի խորհրդի կողմից իրականացվող «Ժողովրդավարական զարգացում, ապակենտրոնացում և լավ կառավարում Հայաստանում – Փուլ 2» ծրագրով իրականացվող «Համայնքների համագործակցություն, կայուն զարգացում» ենթածրագրի մեկնարկը: Տեղի է ունեցել նաև առաջին ֆոկուս խմբային հանդիպումը՝ ՀԿ-ների, ՏԻՄ և տուրիզմի ոլորտների ներկայացուցիչների հետ, որին ներկա է եղել նաև Իջևան համայնքի ղեկավար Արթուր Ճաղարյանը: Համայնքի ղեկավարը ողջունել և ծրագրի ընթացքում բեղուն աշխատանք է մաղթել ներգրավված շահագրգիռ կողմերին: |
|
|
31.07.24
ՀԲԸՄ կամավորները մասնակի վերանորոգել են Ակնաղբյուրի դպրոցը
|
ՀԲԸՄ կամավորները մասնակի վերանորոգել են Ակնաղբյուրի դպրոցը։ Այն ապահովվել է գույքով, տեղադրվել է ջեռուցման համակարգ։ Բացման հանդիսավոր արարողությանը մասնակցել են Տավուշի մարզպետ Հայկ Ղալումյանը, Իջևան համայնքի ղեկավար Արթուր Ճաղարյանը և Ակնաղբյուրի վարչական ղեկավար Կարեն Դոլմազյանը։ Նրանք դպրոցի վերանորոգման աշխատանքներին մասնակցած կամավորներին հանձնեցին շնորհակալագրեր և հուշանվերներ` շնորհակալություն հայտնելով վերջիններիս կատարած հանրօգուտ աշխատանքի համար։ |
|
| 1 2 3 4 5 6 7 8 9 10 ... |