ՀՀ Տավուշի մարզի Իջևանի համայնքի ղեկավար Արթուր Ճաղարյանս ուսումնասիրելով, Իջևանի համայնքապետարանի քաղաքաշինության, հողաշինության, գյուղատնտեսության և բնապահպանության բաժնի պետ Ա.Այդինյանի զեկուցագիրը և կից ներկայացված 08.04.2025թ. վարչական իրավախախտման վերաբերյալ արձանագրությունը, Իջևան համայնքի բնակիչներ Հերմինե Սարհատյանի, Ալինա Վանեսյանի և Գառնիկ Թանանյանի հայտարարությունները կապված ք․ Իջևան, Ազատամարտիկների փողոց թիվ 6/21 հասցեի բնակիչ Մելանյա Աշոտի Սարհատյանի կողմից ք․ Իջևան, Ազատամարտիկների փողոց թիվ 6/21 հասցեում գտնվող, սփականության իրավունքով իրեն պատկանող բնակարանին կից բաց պատշգամբի կառուցման շինարարական աշխատանքների իրականացման փաստի առիթով վարչական պատասխանատվության ենթարկելու հարցին․

Պ Ա Ր Զ Ե Ց Ի

Բաց պատշգամբը Մելանյա Աշոտի Սարհատյանի կողմից կառուցվել է դեռևս 1995թ-ին, սակայն պատշգամբի մի հատվածը կառուցված է Վրեժ Դավթյանին պատկանող բնակարանի առջևի մասում։ 

Մելանյա Սարհատյանը  լսումներին ներկայացել էր և խնդրեց ժամկետ տրամադրել սեփական միջոցներով պատշգամբը քանդելու համար։ 

Հիմք ընդունելով համայնքապետարանի քաղաքաշինության, հողաշինության, գյուղատնտեսության և բնապահպանության բաժնի պետ Ա. Այդինյանի իրավախախտման արձանագրությանը,  Իջևան համայնքի բնակիչների հայտարարությունները, նաև կողմերի փոխադարձ համաձայնությունը և ղեկավարվելով Վարչական Իրավախախտումների Վերաբերյալ ՀՀ օրենսգրքի 154-րդ հոդվածի և «Վարչարարության հիմունքների և վարչական վարույթի մասին» Հայաստանի Հանրապետության օրենքի 53-ից 58-րդ հոդվածների պահանջներով․

Ո Ր Ո Շ Ե Ց Ի

1/ Մելանյա Սարհատյանին պարտավորեցնել 10 օրյա ժամկետում քանդել պատշգամբի ինքնակամ կառուցված հատվածը։

Սահմանված ժամկետում ինքնակամ շինությունները չքանդելու դեպքում Մելանյա Սարհատյանի նկատմամբ կիրառել վարչական տուգանք (տույժ) սահմանված նվազագույն աշխատավարձի հազարհինգհարյուրապատիկի չափով 1․500․000 (մեկ միլիոն հինգ հարյուր հազար) ՀՀ դրամ և քանդել պատշգամբի ինքնակամ հատվածը։

2/ Սույն որոշման մասին եռօրյա ժամկետում առձեռն կամ փոստային առաքմամբ, ստացումը հավաստող հետադարձ ծանուցմամբ իրազեկել Մելանյա Սարհատյանին:

3/ Սույն որոշումը ուժի մեջ է մտնում իրազեկման հաջորդ օրվանից։

4/ Սույն որոշումը կարող է բողոքարկվել վարչական մարմնին կամ դատական կարգով «Վարչարարության հիմունքների և վարչական վարույթի մասին» ՀՀ օրենքի 70-րդ և 71-րդ հոդվածներով սահմանված կարգով և ժամկետներում, այն ուժի մեջ մտնելու օրվանից երկամսյա ժամկետում, չբողաքարկվելու դեպքում, նույն ժամկետում դառնում է անբողոքարկելի և ենթակա է հարկադիր կատարման։