Համայնքի ղեկավարը նշում է, որ անհրաժեշտություն է առաջացել Իջևանի համայնքապետարանի ենթակայության հաստիքացուցակներում կատարել փոփոխություններ։ Ղեկավարվելով «Տեղական ինքնակառավարման մասին» ՀՀ օրենքի 18 հոդվածի 1-ին մասի 28-րդ կետով. 

Համայնքի ավագանին որոշում է .

1․ Տալ համաձայնություն համայնքի ղեկավարի առաջարկությանը`
1.1 «Իջևանի քաղաքային մշակույթի տուն» ՀՈԱԿ-ի հաստիքացուցակում կատարել փոփոխություն` տնտեսվարի 0,5 դրույքը դարձնել 1 դրույք:
1.2 «Ամալյա Կարապետյանի անվան նախակրթարան» ՀՈԱԿ-ի հաստիքացուցակում  կատարել փոփոխություն` գլխ․հաշվապահի  0,5 դրույքը դարձնել 1 դրույք, խոհարարի օգնականի 1 դրույքը դարձնել 1,25 դրույք, լվացքարարի 0,75 դրույքը դարձնել 0,5 դրույք:
1.3 «Իջևանի մարզադպրոց» ՀՈԱԿ-ի հաստիքացուցակում  կատարել փոփոխություն` տնօրենի  դրույքաչափը դարձնել 170 հազ. ՀՀ դրամ, ավելացնել հաստիք՝ մենապայքարային սպորտաձևերի պատասխանատու  150 հազ․ դրամ դրույքաչափով:
1.4 «Գանձաքար ջուր» ՀՈԱԿ-ի հաստիքացուցակում կատարել փոփոխություն՝ հաշվապահի նախատեսած  1 դրույքը սահմանել  0,5 դրույք, կրճատել ջրվարի  հաստիքը, ավելացնել հսկիչի 1 հաստիք 93 հազ․ դրամ դրույքաչափով։
1.5 Գանձաքար բնակավայրի «Մշակույթի տուն» ՀՈԱԿ-ի հաստիքացուցակում կատարել փոփոխություն՝ կրճատել  մեթոդիստի 1 հաստիք։
1.6 «Խաշթառակ համայնքի մսուր-մանկապարտեզ» ՀՈԱԿ-ի հաստիքացուցակում կատարել փոփոխություն՝ տնտեսվարի նախատեսված 0,5 դրույքը սահմանել  0,75 դրույք։
1.7 «Վազաշենի մանկապարտեզ» ՀՈԱԿ-ի հաստիքացուցակում կատարել փոփոխություն՝ կրճատել խոհարաի օգնականի  հաստիքը, ավելացնել մաքրուհու  1 հաստիք 89600 դրամ դրույքաչափով։

1.8 «Աչաջուր երաժշտական դպրոց» ՀՈԱԿ-ի հաստիքացուցակում կատարել փոփոխություն կրճատել գանձապահի  հաստիքը, ավելացնել ուսմասվարի  1 հաստիք 93 հազար դրամ դրույքաչափով։

1․9 «Աչաջուր մշակույթի տուն» Համայնքային ՀՈԱԿ-ի հաստիքացուցակում կատարել փոփոխություն՝ կրճատել գանձապահի  հաստիքը, ավելացնել հսկիչի  1 հաստիք 93 հազար դրամ դրույքաչափով։

1.10«Աչաջուր գյուղի մանկապարտեզ» ՀՈԱԿ-ի հաստիքացուցակում կատարել փոփոխություններ՝ կրճատել տնօրենի տեղակալ ուսումնական գծով (մեթոդիստի) 1 դրույքը, գանձապահի 1 դրույքը, ֆիզկուլտուրայի հրահանգչի 1 դրույքը, հոգեբանի 0,5 դրույքը, դաստիարակի նախատեսված 1 դրույքը սահմանել 1,12 դրույք։

1.11 «Այգեհովիտ համայնքի մանկապարտեզ» ՀՈԱԿ-ի հաստիքացուցակում կատարել փոփոխություն՝  կրճատել հնոցապանի հաստիքը և ավելացնել հնոցապան-պահեստապետի 1 հաստիք 91000 դրամ դրույքաչափով։

2․ Փոփոխությունները ուժի մեջ են մտնում ս/թ մայիսի 30-ից։